என் காதல்

 
இரு மலைத்தொடர்களின்
இடைப்பட்ட பள்ளத்தாக்குகள் நிரப்பி
சமவெளிகளில் நிறைந்து
கடல்களில் கலந்து
பெரும் பிரவாகமாக பரவிக்கிடக்கிறது
உனக்கான என் காதல்.
நீயோ மலை முகட்டில் நின்றுகொண்டு
சிதறிய சில துளிகளில் மட்டும் நனைந்து
என் காதலை கண்டுகொண்டேன் என்கிறாய்.
என் காதலை முழுவதுமாய் உணர
உனக்கு ஒரு ஜென்மம் போதாது அன்பே.
ஒவ்வொரு முறை நீ பிறந்து வரும்போதும்
பிரவாகம் கூடிய காதலுடன் உனக்காக காத்திருப்பேன்.

- கௌதமன் ராஜகோபால்